BAZARA MÛZÎKA KURDΠ                                                  Bazara Mûzîka Kurdî ya li bakûrê Kurdistanê biçûk dibe

Piştî derketina albûma dawîn ya Ciwan haco bi navê “Off” bêdengîya bazara mûzîka Kurdî ya li bakûrê Kurdistanê hinek şikîya.

Etem FERQÎN / HAWARDENGÛBAS

Hunermendên wek Koma Rewşen û Rojhan Bêken  Aydin,Hekîm Sefkan “Stranên Qedexe”,Kawa “Ez û Tu”,Şener Yildiz “Eman”, Bawer can “Gulbîn”,Bulent Turan “Amedê”,Koma Agirê Jiyan "De Were",Tara Caf "Diley Dêwanim" albûmên xwe derxistin bakûrê Kurdistanê zindî dibe.

Di demekî nêzîk de albûmên Reşo,Koma Agirê Jiyan,Mehmet Atli,Abbas Ahmed,Şivan Perwer,Koma Çar Newa,Rotînda jî li bakûrê Kurdistanê wê bigehêje destê guhdarên mûzîka Kurdî.

Her wiha hin hunermendên ji Kurdistan azad wek Leila Feriqî,Zekerya,Bilend,Necmeddîn Xulamî,Ednan Kerîm jî albûmên xwe yên nû amade dikin. Lê mp3 û korsan pêşketina vê zîndî bûnê asteng dike.Her wiha bêhestîrîya guhdarvanên Kurd jîdibe sedema nefirotina albûmên Kurdî.

Qelîteya hilberînê pêşdikeve lê bazar biçuk dibe

Li bakûrê Kurdistanê piştî rabûna qedexeya ser mûzîka Kurdî di sala 1991an şûn de di mûzîka Kurdî de pêşketinên mezin çêbûn û mûzîka Kurdî li bazara mûzika Tirkîye de cihekî girîng bidest xist.

Lê wan 3 salên dawî ye ku di bazar û firotina mûzîka Kurdî de  daketinek berbiçav tê dîtin.Di nav sedemên vê daketinê de xwedî derneketina gelê Kurd ya mûzika xwe pêk tê.

Mûzika Kurdî ku li bakûrê Kurdistanê çê dibe di her perçeyên Kurdistanê de bi eleqeyekê mezin tê şopandin.Êdî di her şêweyê mûzîkê de albûm têne derxistin,hejmara televîzyon û amûrên din yê medyaya Kurdî zêde bûne,heta li gor mûzîkên cîranên Kurdan di mûzîka Kurdî de ji ber têkîlîya xurt a mûzîkarên Kurd bi bi mûzîkarên bîyanî re  zêdetir berhem û xebatên ezmûnî(deneysel) têne afirandin lê dîsa jî bazara mûzîka Kurdî li gor salên berê paş dikeve.

Ji ber sedemên derketina mp3 an,bi taybetî li bakûrê Kurdistanê nebûna hişmendîya netewî û tênegihîştina girîngîya pêşketina Mûzîka Kurdî,amatorîya şîrketên mûzîka Kurdî li bakûrê Kurdistanê ku ki zêdetirê 25 mîlyon Kurd heye niha rêjeya firotina mûzîka Kurdî di nav bazara Mûzîka Tirkîye de daketiye ji %6-7an ku ev hejmar berîya çend salan derdora ji%25an bû.

Ger Kurd bi vê avahî xwedî li mûzîka xwe dernekevin û biçin mûzika Tirk,Ereb û Farisan gûhdarî bikin wê rewşa mûzîka Kurdî ber bi pêş de neçe û ev yek jî bbe sedama paşda mayîna yek ji herî girîng ya şaxa çand û hûnera Kurdî. (HAWARDENGÛBAS)

                                                                        REKLAM

REKLAM