ALBÛM                                                                       Ji Hesen Şerîf newayek nû "Av û Av"

Albuma Hunermend Hesen Şerîf a bi navê ‘Ey Av û Av’ ku ji helbesta Feqiyê Teyran hatiye girtin, ji hêla Kom Mûzîkê ve hate derxistin. Heman albûm li Herêma Kurdistana Federal jî ji hêla Kompanya Nûdem/Korek Mûzîkê ve jî hate derxistin.


Di albûma Şerîf a dawî de bi taybetî gelek helbestên klasîk ên wêjevanên navdar ên kurd ên wekî Feqiyê Teyran, Melayê Cizîrî û gelek hunermendên wekî Emîn Botan, Rizgar Kêsteyî, Edîb Çelkî û Feysel Mustefa cih digirin.

Di albûmê de helbesta Melayê Cizîrî ya bi navê ‘Yarê’ ligel newaya wê ya tasavûfî bi şêwazek nû hatiye sitirîn. Her wiha strana navê xwe daye albûmê ya bi Feqiyê Teyran ‘Ey Av û Av’ jî bi gotinên xwe dê demek dirêj li ser zimanê hezkerên mûzîkê bimîne. Di albûmê de gelek estûmantalên cur bi cur hatine bikaranîn û hewayek mistîk hatiye afirandin. Di albûmê de hind stran bi dengê zikir û dengên cuda hatine rengînkirin. Çarîneyek ji strana Ey Av û Av wiha ye: Ey av û av, ey av û av/Ma to bi eşqa û muhbetê/Mewc û pêlan tavêy belav/ Bê sekne û bê rahetê Ji eşqa kê her têy û têy/Heta kengî her bêy û bê /Bo min bêje heyranê kêy/ Da ez bizanim qisetê” (Dîha)
 

REKLAM

REKLAM

kurdish hip hop kürtçe hip hop kürtçe rap mûzika kurdî kurdish music ziman zimanê kurdi kurdish language hiphopa kurdi kurdce rap kurdish rap serhado xewna ji