|
17 Tebax 2007
ALBÛM
Xêro Abbas bi albûma 4'emîn "Barana Şevê" vegeriya
ETEM FERQÎN /
MUZIKKURD.com
Albûma dawîn ya Xêro Abbas bi navê "Barana Şevê" li bakûrê Kurdistanê û
li Ewrûpa derket
bazarê."Barana Şevê" albûma 4'emîn yê Xêro Abbas e.
Di albûma
"Barana Şevê" ji 11 stranan pêk tê.
Stranên di albûmê de ewin; 1.Barana şevê, 2.Hêvî Evîn, 3.Bûkê, 4.Marşa
Evînê, 5.Welat, 6.Dil Bide Min, 7.Narê, 8.Zor e, 9.Bûrî Bûrî, 10.Kezîzerê,
11.Tu
"Barana Şevê" xwedî hin stranên baş û serketiyê lê....
Xêro Abbas yek ji hunermendê girîng ya mûzîka hemdem ya Kurdî ye.Her çiqas
di albûmên xwe de cîh li stranên gelêrî dide be jî şêweya wî bi giştî
derdora tarzên wek rock,pop,pop-folk ê de ye.
Xêro Abbas di albûma
"Barana Şevê" de hewl daye xîtabî her du girseyên ku muzîka gelêrî û
him jî mûzîka hemdem guhdari dikin bike.Ev stratejî piştî Ciwan Haco ji
alîyê gelek hunermedan tê bi kar anîn.Xêro Abbas di çêkirina mûzîka hemdem
de zêde wêrek nîne û berhemên baş lê berhemên bi heman rengî diafrîne.Di hin
qadan de xwe pêş naxîne.
Xêro Abbas xwedî dengekî baş û
bilind e û hunermendeke berhemdêr e,lê di
"Barana Şevê" de asta xwe ya mûzîkalî pir zêde nexistiye pêş.Cûdayî û
cihêrengîya albûma "Westiya Bû" di
"Barana Şevê" de nîne.Wek dewamake albûma wî ya "Axîn" e.
Strana "Barana Şevê" straneke
Hekîm Sefkan e.Hekîm Sefkan heman stranê di albûma xwe ya "Stranên Qedexe"
de goti bû.Aranjeya strana "Barana Şevê" ya Xêro Abbas ji aranjeya Hekîm
Sefkan pêşketir û baştir û rengîntir bûye.Komên kemanan bi stîla
rojavahî,motifên rock strana "Barana Şevê" bi temamî kiriye staneke
cuda.
Her wiha strana Kezîzer jî strana
Abbas Ahmed e ku vê stran jî di albûma "Mêvana Xewnê"(2003) ya Abbas
Ahmed de cîh girti bû. Aranjeya strana Kezîzer jî ji halê vî stanî ya albûma
Abbas Ahmed baştir bûye.
Strana "Marşa Evînê" straneke bi
stîla rock e.Dişibe strana "Nikarim" ya Xêro Abbas a di albûma "Axîn"
de.Strana "Welat" bi meqama xwe yek ji balkeştirîn ya albûma "Barana Şevê"
ye.Her wiha strana Narê ku bi avayê pop,hip-hop hatiye amade kirin wê bala
gelekan bikşîne.
"Barana Şevê" ji Kom Mûzîkê ve hatiye derxistin.Em di vê albûmê de
jî hêvî dikin ku albûma Xêro Abbas jî nebe qurbana helwasta
demên dawî yê di warê qelsîya belav kirin û nasandina albûmên Kom Mûzîkê de.
Xêro Abbas kîye?
Xêro Abbas di sala 1962'an de li başur-rojavayê Kurdistanê (Kurdistana
Sûrîye) bajarê Qamişloyê hatiye dinye.Li Sûrîye perwerdeya sereta,navîn û
lîseyê temam kir Di sala 1986'an de ji ber zextên rejÎma Sûriye û ji ber bê
delfetiyan koçî Elmanyayê kir.Di wan salan de eleqeya wî ser muzîkê zêdetir
bû. Di 1989'an de bi tevlî bûna Koma Berxwedan dest
bi xebatên xwe yên mûzîkê kir.1998'an de yekem albûma xwe ya bi navê
"Xerîbo" weşand.Albûma Xerîbo di nava Kurdan de eleqeyek mezin dît.Li
Ewrûpayê di dehan konser da.
2002'an de di Newroza mezin ya Diyarbekîrê ku bi qasê milyoneke Kurd tevlî
bû bû de derket ser dîkê.Piştî gelek salan cara yekem bi vê wesîleyê
vegeriya axa Kurdistanê û di vê vegera xwe de maçî axa xwe kir û vê helwesta
wî ji aliyeke gel ve bi coş û hezkiriyeke mezin hate pêşwazî kirin.
Xêro Abbas şêweya klasîk a muzîka
Kurdî bi bingeheke modern yekxist û bi vî avahî şêweyeke ku him girêdayî
rêça xwe û heman demê de jî şêweyeke modern derxist holê.Vê jêhatiya Xêro
Abbas him cihê wî him jî berdarî ya wî zexmtir dike.
Girêdan
Malper-Malpera
Xêro Abbas
Kirîn-Bo kirîna
albûmên Kurdî bitiqîne
REKLAM
|
