NÛÇE                                                                       Korsan û mp3 zirarek mezin digihîne mûzîka Kurdî

MUZIKKURD.com

Di demên dawî de ji xeynî bêhişmendîya gelê Kurd û mp3'ên bêhiquqî bandoreke mezin ya CD'yên korsan (CD û kasetên ku bi awayekî bêqanûnî bi avayekî amatorî têne çap kirin) ser xetimîna bazara mûzîka Kurdî de heye.

Li Amedê şîrkta produksiyona mûzîka Kurdî Huner Muzik jÎ kampanyayek bi navê "ji korsanê re na!" dane destpêkirin.Bo kampanyayê mudirîyeta Çandê ya şaredarîya Amedê jî hatiye girtin.Li Amedê li gelek taxan afîşên "ji korsanê re na!" hatine daliqandin.

Berpirsên Huner Mûzîkê da zanîn ku sektora mûzîkê di nava krîzêkê de ye û diyar kirin ku hunermendan albûmên nû çê dikin lê di hêla hilberîna berhemên cûdatir,pêşketîtir û cihêrengtir têngasî heye.

Tê diyar kirin ku bo çêkirina albûmeke mûzîka Kurdî kêm zêde 50 mîlyarê tirkî(nêzî 40 hezar dolar) pêwîste.

Wek mînak albûma dawîn ya hunermend Diyar “Oxir Be Oxir” tenê 50 hezar heb hatiye firotin.Tê dîyar kirin ku ev hejmar encax têrî mesrefên studyoyê têr dike.Albûma Diyar ya Gulê bi resmî 150 hezar firotîye lê tê xuya kirin ku korsana vê albûmê nêzî milyoneke ye.Ji ber vê yekê jî hunermend êdÎ naxwazin albûm çê bikin.

Ev rewş jî herî zêde zirarê digîne hilberîna çanda kurdî.Anga kesên ku li şûna CD yê orjînal bikirin korsan dikirin heman demê de dibin sedema qels bûna çanda Kurdî jî.Mînakeke din jî albûma dawîn ya koma Agirê Jiyan e.Albûma pêştir ya Agirê Jiyan nêzî 500 hezar heb li bakûrê Kurdistanê hatiye firotin.Lê albûma dawîn ya Agirê Jiyan bi navê "De Were" tenê 50 hezar hatiye firotin.

Di demên dawî li ger ku hin hunermend albûmên xwe bi xwe amade dikin û pêşkêşî şîrketan dikin dîsa jî albûmên wan nayê çap kirin.Her wiha delfetên hunermendên Kurd nîne ku ji konser û telîf û promosyonan jî pere qezenc bikin.

Rewşa mûzîka Kurdî dixin xeterê


Êdî rewş hatiye asteke pir xeter û ji ber vê yekê jî divê herkes hestîyar be û bi berpirsyarî tevbigere.

Tê diyar kirin ku para herî mezin ya têkoşîna bi korsanê re dikeve ser milê devletê.Korsanvanî bi eşkereyî tê pêkanîn.Dewleta Tirk di vî warî de jî xemsar e.Korsanvanî herî zêde zirarê li çanda kurdî,mûzîka Kurdî û zimanê Kurdî digihîne.


Li bakûrê kurdistanê rewşa mûzîka Kurdî


Li bakûrê Kurdistanê piştî rabûna qedexeya ser mûzîka Kurdî di sala 1991an şûn de di mûzîka Kurdî de pêşketinên mezin çêbûn û mûzîka Kurdî li bazara mûzika Tirkîye de cihekî girîng bidest xist.

Lê wan 3 salên dawî ye ku di bazar û firotina mûzîka Kurdî de daketinek berbiçav tê dîtin.Di nav sedemên vê daketinê de xwedî derneketina gelê Kurd ya mûzika xwe pêk tê.

Mûzika Kurdî ku li bakûrê Kurdistanê çê dibe di her perçeyên Kurdistanê de bi eleqeyekê mezin tê şopandin.Êdî di her şêweyê mûzîkê de albûm têne derxistin,hejmara televîzyon û amûrên din yê medyaya Kurdî zêde bûne,heta li gor mûzîkên cîranên Kurdan di mûzîka Kurdî de ji ber têkîlîya xurt a mûzîkarên Kurd bi bi mûzîkarên bîyanî re zêdetir berhem û xebatên ezmûnî(deneysel) têne afirandin lê dîsa jî bazara mûzîka Kurdî li gor salên berê paş dikeve

Ji ber sedemên derketina mp3 an,bi taybetî li bakûrê Kurdistanê nebûna hişmendîya netewî û tênegihîştina girîngîya pêşketina Mûzîka Kurdî,amatorîya şîrketên mûzîka Kurdî li bakûrê Kurdistanê ku ki zêdetirê 25 mîlyon Kurd heye niha rêjeya firotina mûzîka Kurdî di nav bazara Mûzîka Tirkîye de daketiye ji %6-7an ku ev hejmar berîya çend salan derdora ji%25an bû.

Ger Kurd bi vê avahî xwedî li mûzîka xwe dernekevin û biçin mûzika Tirk,Ereb û Farisan gûhdarî bikin wê rewşa mûzîka Kurdî ber bi pêş de neçe û ev yek jî bbe sedama paşda mayîna yek ji herî girîng ya şaxa çand û hûnera Kurdî. (HAWAR DENGÛBAS)

REKLAM

REKLAM

kurdish hip hop kürtçe hip hop kürtçe rap mûzika kurdî kurdish music ziman zimanê kurdi kurdish language hiphopa kurdi kurdce rap kurdish rap serhado xewna ji